महाराष्ट्र राज्याच्या पश्चिम दिशेला गुजरात / मध्यप्रदेश राज्याच्या सिमेवर नंदुरबार हा जिल्हा सातपुडयाच्या कुशीत वसलेला आहे. नंदुरबार जिल्ह्याची निर्मिती धुळे जिल्ह्याचे विभाजन करून १ जुलै १९९८ रोजी करण्यात आली. त्यात सहा तालुक्यांचा समावेश करण्यात आला. नंदुरबार, नवापुर, शहादा, तळोदा, धडगाव व अक्कलकुवा या तालुक्यांच्या मिळून नंदुरबार जिल्ह्याची निर्मित करण्यात आली. नंदुरबार जिल्हा हा आदिवासी बहुल जिल्हा आहे. जिल्ह्यातील एकूण लोकसंख्या पैकी ६९.२८ % लोकसंख्या ही आदिवासी आहे. त्या मुळे आदिवासी लोकांच्या विकासा साठी एकात्मिक आदिवासी विकास प्रकल्प कार्यालयांची निर्मिती करण्यात आली.

        राज्य शासनाने आदिवासीसांठी एक स्वतंत्र जनजाती क्षेत्र उपयोजना १९७५-७६ मध्ये तयार केली त्यानुसार शासन निर्णय क्रमांक :- टी.एस.पी -१०७३/१८१५/डी.एस.आर.व्ही./दि.०१/०४/१९७७ नुसार एकात्मिक आदिवासी विकास प्रकल्प नंदुरबार या कार्यालयाची स्थापना करण्यात आली. त्या नंतर आदिवासी विकास विभाग शासन निर्णय क्रमांक: १०८९/प्र.क्र.७९९/का-१५/दि.१५ जानेवारी १९९२ नुसार या कार्यालयाची पूर्नरचना करण्यात आली. Read More